2012թ.-ին «ՀայՌուսգազարդ» ՓԲԸ-ն ստացել է 23,066 հայտ

«ՀայՌուսգազարդ» ՓԲԸ գազաֆիկացման և գազամատակարարման մասնաճյուղերի «1-04» վթարա-կարգավարական ծառայությունների կողմից գրանցված տվյալների համաձայն, 2012թ. հունվար-սեպտեմբեր ամիսներին ընդհանուր առմամբ ստացվել է 23,066 հայտ` նախորդ տարվա նույն ժամանակահատվածի 26 384-ի դիմաց:

Գրանցված հայտերից գերակշռող մասը՝ 13,174-ն առնչվել է ներտնային գազասպառման համակարգերին, այդ թվում 1,465-ը վերաբերել է ազդանշանային համակարգի գործարկմանը, 5,716-ը՝ գազի արտահոսքին: Գրանցված կանչերից 1,094-ը եղել է կեղծ: Եղել են նաև այլ բնույթի կանչեր:

9,461 հայտը վերաբերվել է գազատարների, 431-ը՝ գազակարգավորիչ և անհատական ճնշման կարգավորիչ կայանների հետ կապված խնդիրներին: