Ցուցահանդես-մրցույթ` «Կյանքն առանց բռնության»
Վերջին լուրեր
Երեխաների հանդեպ բռնության նվազեցման միջազգային օրվա առիթով՝ մայրաքաղաքի Քանաքեռ-Զեյթուն վարչական շրջանի թիվ 125 դպրոցում «Վորլդ Վիժն» Հայաստան կազմակերպությունը՝ Եվրոպական Միության կողմից ֆինանսավորվող «Հայաստանում երեխաների նկատմամբ բռնության նվազեցում» ծրագրի շրջանակներում, Երևանի քաղաքապետարանի և ՀՀ Ոստիկանության հետ համատեղ, կազմակերպել էր «Կյանքն առանց բռնության» խորագրով լուսանկարների ցուցահանդես-մրցույթ:
Երևանի քաղաքապետարանի ենթակայության դպրոցների երեխաներին հնարավորություն էր տրվել լուսանկարների միջոցով սեփական վերաբերմունքն արտահայտել երեխաների նկատմամբ կիրառվող բռնությունների վերաբերյալ: Ցուցահանդես-մրցույթին առանձնացվել էին հանձնաժողովի կողմից յուրաքանչյուր դպրոցից նախապես ընտրված 5-ական լուսանկար, իսկ միջոցառման ընթացքում ներկաների առավել շատ ձայներ ստացած աշխատանքները ներկայացվել են մրցանակաբաշխության: Ըստ այդմ, առաջին 3 տեղերը համապատասխանաբար զբաղեցրել են թիվ 136, թիվ 137 և թիվ 180 դպրոցները:
Հանձնաժողովի կողմից լավագույն լուսանկար է ճանաչվել 136 դպրոցի աշակերտուհի Դիանա Հակոբյանի «Կտրված ծառը» լուսանկարը: Ցուցահանդես-մրցույթի բոլոր մասնակիցները ստացել են խրախուսական մրցանակներ, իսկ եռյակում հայտված դպրոցներն ու մասնակիցները՝ թանկարժեք նվերներ:
ՈՒՂԻՂ ԵԹԵՐ
Ամենադիտված 
Հրապարակվել է սպանված Խամենեիի նստավայրի լուսանկարները (Ֆոտոշարք)
