Նրա՝ ազգային սիմվոլների «պաշտամունքը» փշաքաղվելու աստիճան հուզում է (տեսանյութ)

Քաղաքական հոգեբան, ՌԱՀՀԿ փորձագետ Արմինե Ղազարյանը facebook-ի իր էջում գրել է.

«Րաֆֆի Հովհաննիսյանի մասին լավ էր ասված ուղերձում` «Նա դժվար բացահայտելի մարդկանցից է, ում մեջ ապրող լեգենդը թույլ չի տալիս հասկանալ նրան մինչև վերջ»:

Ուրախ եմ որ իմ համեստ կյանքում առիթ ունեմ ճանաչելու այդ Մարդուն, Քաղաքացուն, եւ նոր միայն՝ հայրենասերին: Գուցե բոլորը գիտեն եւ համոզվել են, որ նրա հայրենասիրական զգացմունքներն անկեղծ են եւ խորը. ազգային սիմվոլների «պաշտամունքը» փշաքաղվելու աստիճան հուզում է կողքիններին, բայց առավել մեծ արժեքը Մարդ տեսակն է: Երբ ինքնաթիռում մարդու կյանք էր փրկել, ու ոչ ոք չգիտեր դրա մասին՝ դա Ինքն է: Երբ իմացանք, իր շրջապատողներից գոնե մի 50 հոգու համար ամենեւին զարմանիալի չէր: Ուղղակի չգիտես ինչ կանի, ոնց կվարվի, բայց որ կտարբերվի եւ առանց խաղի ու ինչպես մի օր ասաց՝ առանց բարձրավճար քաղտեխնոլոգների խորհուրդների, դա հաստատ է: Իսկ հետո՝ էլի չես զարմանում անսպասելի եւ անտեսանելի «տարբերակն» ընտրելու վրա: Ու մեկ էլ մի օր էլի տեսնում ես Րաֆֆուն՝ սկզբից մինչեւ վերջ մի սյունի տակ ամբողջ պատարագի ընթացքում ոտնկայս անգիր երգում է պատարագը: Մի տեղ կարդում ես «Չեբուրաշկա» մուլտիկի երգերը գիտի: Մի տեղ էլ՝ ռուսերեն տառասխալներ է ուղղում :) Մարդիկ կան ավելի շատ գիտեն իր մասին, բայց բոլորին էլ նա իր Համեստությամբ է վարակում ու Սաստում:

Սա էլ յութուբից էինք գտել, հերթական «բացահայտումներից» :)
ֆիլմի տակ եղած մեկնաբանություններից մեկը՝
@Vahag2008 -
Հա, Րաֆֆի Հովհաննիսյաննա: Պատահական անցնում էր, տեսավ ու միացավ մեզ :) Իմիջիայլոց, հետո իմացանք, որ էս պարը ինքնա փրկել ու փոխանցել Գինոսյանին :) (Ha, Raffi Hovhannisyanna. Patahakan ancnum er mer motov, tesav u miacav mez :) imijayloc heto imacanq, vor es par@ inqna prkel u poxancel Ginosyanin ;))»: