The Hill. Օբաման Քլինթոնին շտապ գործուղել է Մերձավոր Արևելք
Վերջին լուրեր
ԱՄՆ նախագահ Բարաք Օբաման հանձնարարել է պետքարտուղար Հիլարի Քլինթոնին՝ այցելել Իսրայել, Ռամալլահ և Կահիրե և հանդիպել տարածաշրջանի առաջնորդներին՝ Գազայի հատվածում իսրայելցիների և պաղեստինցի գրոհայինների միջև հակամարտության լարվածության բարձրացման առիթով, որն արդեն յոթերորդ օրն է, ինչ շարունակվում է, գրում է The Hill-ը:
Երեքշաբթի Քլինթոնը մեկնելու է Երուսաղեմ, ուր նախատեսված է հանդիպում Ւսրայելի վարչապետ Բենիամին Նեթանյահուի հետ: Իր ուղևորության ընթացքում նա նաև հանդիպելու է պաղեստինցիների առաջնորդների և Եգիպտոսի պաշտոնական ներկայացուցիչների հետ: Սպիտակ տունը նշում է, որ ամերիկյան դիվանագիտության այս ճանապարհորդությունը արտացոլում է ԱՄՆ-ի հետաքրքրվածությունը հակամարտության խաղաղ կարգավորման հարցում:
Դիվանագետներին դեռ չի հաջողվել կասեցնել Իսրայելի տարածքի և Գազայի հատվածի փոխադարձ ռմբակոծումները: ՄԱԿ-ի Անվտանգության խորհրդի նիստի ժամանակ, որն ավարտվել է երկուշաբթի ուշ երեկոյան, այդպես էլ տվյալ հարցում չեն եկել համաձայնության:
Պաշտոնական տվյալներով՝ հակամարտության հետևանքով մահացել է ավելի քան 100 պաղեստինցի և 3 իսրայելցի:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
