Հոկտեմբերին, սեպտեմբերի համեմատ, տնտեսական ակտիվության ցուցանիշը նվազել է

Ըստ ՀՀ ազգային վիճակագրական ծառայության հայտնած տվյալների, 2012թ.-ի հունվար-հոկտեմբերի ՀՀ տնտեսական աճը, նախորդ տարվա նույն ժամանակահատվածի համեմատ, աճել է 7.2%-ով: այս տարվա միայն հոկտեմբեր ամսին, նախորդ տարվա նույն ամսվա համեմատ, տնտեսական ակտիվության ցուցանիշը կազմել է 4.9%: Այս տարվա հոկտեմբեր ամսին, սեպտեմբերի համեմատ, նվազել է 16.5%-ով:

Արդյունաբերական արտադրանքի ծավալներն այս տարվա հունվար-հոկտեմբեր ամիսներին կազմել են 895,312.0 մլն ՀՀ դրամ, որը նախորդ տարվա նույն ժամանակահատվածի ցուցանիշը գերազանցում է 10%-ով: այս տարվա հոկտեմբեր ամսին արդյունաբերական արտադրանքի ծավալները, նախորդ տարվա նույն ամսվա համեմատ, նվազել են 0.2%-ով, իսկ այս տարվա սեպտեմբեր ամսվա համեմատ` աճել է 2.55-ով:

Գյուղատնտեսության համախառն արտադրանքի ծավալներն այս տարվա հունվար-հոկտեմբեր ամիսներին, նախորդ տարվա նույն ժամանակահատվածի համեմատ, աճել են 8.2%-ով` կազմելով 727,481.5 մլն ՀՀ դրամ: Նախորդ տարվա հոկտեմբերի համեմատ` այս տարվա հոկտեմբերին գյուղատնտեսության համախառն արտադրանքի ծավալներն աճել են 1.4%-ով, իսկ այս տարվա սեպտեմբերի համեմատ նվազել են 32.8%-ով:

Շինարարության ծավալները 2012թ.-ի հունվար-հոկտեմբեր ամիսներին կազմել են 315,086.7 մլն ՀՀ դրամ` նախորդ տարվա նույն ժամանակահատվածի ցուցանիշներին զիջելով 1.2%-ով, իսկ միայն այս տարվա հոկտեմբեր ամսվա շինարարության արտադրանքի ծավալները նախորդ տարվա նույն ամսվա համեմատ, աճել են 2.1%-ով, իսկ այս տարվա սեպտեմբեր ամսվա համեմատ` նվազել 8.9%-ով:

Առևտրի շրջանառության ծավալներն այս տարվա հունվար-հոկտեմբեր ամիսներին, նախորդ տարվա նույն ժամանակահատվածի համեմատ` աճել են 3.2%-ով` կազմելով 1,640,211.2 մլն ՀՀ դրամ: 2012թ.-ի հոկտեմբերին, նախորդ տարվա նույն ամսվա համեմատ, առևտրի շրջանառության ծավալներն ավելացել են 4.9%-ով, իսկ այս տարվա սեպտեմբերի համեմատ` նվազել 2.7%-ով:

Մատուցված ծառայությունների ծավալներն այս տարվա հունվար-հոկտեմբեր ամիսներին կազմել են 789,042.6 մլն Հհ դրամ, նախորդ տարվա նույն ժամանակահատվածի տվյալները գերազանցելով 11%-ով: այս տարվա հոկտեմբերին ծառայությունների ծավալները, նախորդ տարվա նույն ժամանակահատվածի համեմատ, աճել են 9.2%-ով, իսկ այս տարվա սեպտեմբերի համեմատ` նվազել 0.4%-ով:

Սպառողական գների ինդեքսն այս տարվա հունվար-հոկտեմբերին ավելացել 2.4%-ով, արդյունաբերական արտադրանքի գների ինդեքսը` 6.3%-ով:

Արտադրված էլեկտրաէներգիան այս տարվա հունվար-հոկտեմբերին կազմել է 6,555.8 մլն կՎտ/ժ` նախորդ տարվա ցուցանիշը գերազանցելով 9.8%-ով:

Մջին ամսական աշխատավարձն ասյ տարվա հունվար-հոկտեմբերին կազմել է 118,186 ՀՀ դրամ` նախորդ տարվա նույն ժամանակահատվածի ցուցանիշը գերազանցելով 5.1%-ով: Պետական ոլորտում վճարված աշխատավարն այս տարվա հունվար-հոկտեմբեր ամիսներին կազմել է 94,608 ՀՀ դրամ` նախորդ տարվա ցուցանիշը գերազանցելով 4.4%-ով, իսկ մասնավոր հատվածում վճարվող աշխատավարձը վերոնշյալ ժամանակահատվածում կազմել է 145,499 ՀՀ դրամ` նախորդ տարվա ցուցանիշը գերազանցելով 5.3%-ով:

Արտաքին առևտրաշրջանառությունն այս տարվա հունվար-հոկտեմբեր ամիսներին կազմել է 4,603.1 մլն ԱՄՆ դոլար, որը նախորդ տարվա նույն ժամանակահատվածի ցուցանիշները գերազանցել է 3.4%-ով: Այս տարվա հոկտեմբերին արտաքին առևտրաշրջանառության ծավալները, նախորդ տարվա հոկտեմբերի համեմատ, աճել է 11.4%-ով, իսկ այս տարվա սեպտեմբերի համեմատ` 29.6%-ով: