«Շախտյորը» կրկին առավելության հասավ «Նորդշելանդի» նկատմամբ տեսանյութ

Չեմպիոնների լիգայի խմբային փուլի 5-րդ տուրում Դոնեցկի «Շախտյորը» հյուրընկալվեց «Նորդշելանդին»: Խաղն ավարտվեց հյուրերի հաղթանակով 5:2 հաշվով:

Առաջինը մրցակցի դարպասը գրավեցին դաշտի տերերը` 23-րդ րոպեին աչքի ընկավ Նորտստրան, այնուհետև 29-րդ րոպեին Լուիզ Ադրիանոն՝ խախտելով արդար խաղի կանոնները հավասարեցրեց հաշիվը: 3 րոպե հետո Կասպեր Լորենտսենը կրկին վերականգնեց մեկ գոլի առավելությունը` խփելով «Նորդշելանդի» երկրորդ գոլը: Սակայն դաշտի տերերին այդ հաշիվը պահպանել չհաջողվեց`առաջին խաղակեսի վերջնամասում Վիլիանը հավասարեցրեց հաշիվը և թիմերը ընդմիջման գնացին 2:2 հաշվով:

Երկրորդ խաղակեսի 50-րդ րոպեին Վիլիանը դուբլ ձևակերպեց, որին հաջորդեց նաև «Շախտյորի» 4-րդ գոլը` այս անգամ էլ դուբլի հեղինակ դարձավ Ադրիանոն, ով խաղավարտից 9 րոպե առաջ նաև հեթ-տրիկ ձևակերպեց: Արդյունքում  «Շախտյորը» 1/8 եզրափակիչ դուրս եկավ: Նշենք, որ Մխիթարյանը մասնակցեց ողջ խաղին և ունեցավ դարպասը գրավելու մի քանի հնարավորություն: