«Առավոտ». Կոռուպցիան կալանավայրերում
Վերջին լուրեր
«Ինչո՞ւ չեք խոսում կալանավայրերում կոռուպցիայի մասին, որ ամեն ինչը փող է` լողանալը 1000 դրամ է»,- երեկ Աժ-ում խորհրդարանական լսումների ժամանակ Հելսինկյան ասոցիացիայի նախագահ Միքայել Դանիելյանն այսպիսի հարց ուղղեց արդարադատության նախարար Հրայր Թովմասյանին: Այդ հարցը մնաց անպատասխան:
«Առավոտ»-ը Մարդու իրավունքների պաշտպան Կարեն Անդրեասյանից հետաքրքրվել է, թե նա տեղյա՞կ է, որ բանտերում լուրջ կոոուպցիոն երևույթներ կան, որ լողանալը, լվացվելը փող է: Նա պատասխանել է. «Լողանալու, ծանրոցներ փոխանցելու, խցից խուց տեղափոխվելու, որոշակի ներքին հարաբերությունների մեջ մենք գիտենք, որ կան խտրական դրսևորումներ, և գիտենք, որ կան չկանոնակարգված, ադմինիստրացիայի հայեցողությանը թողնված խնդիրներ: Եվ քանի որ այնտեղ կա սողանցք՝ անել այսպես կամ այնպես, կամ ըստ ադմինիստրացիայի ցանկության, այդտեղ էլ ծնվում են բոլոր կոոուպցիոն երևույթները»:
Ինչ վերաբերում է «խառոշիներին» և «զոն նայողներին» բանտերում արտոնություններ տալուն՝ Կարեն Անդրեասյանն ասաց, որ «դրանց մասով նաև քրեական օրենքներ կան, և ադմինիստրացիան իր կոռուպցիոն օրենքները համադրում է նաև քրեական օրենքների հետ, և այդ քրեական-կոռուպցիոն օրենքներով նոր մի կերպ տեղ է մնում մեր պետության օրենքներին»:
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
