Մենք միտումնավոր բաց թողեցինք երկրորդ գոլը. Հենրիկ Մխիթարյան (տեսանյութ)

«Շախտյորի» կիսապաշտպան Հենրիկ Մխիթարյանը հաստատել է թիմի ավագի խոսքերը, համաձայն որի՝ «հանքափորները» Լուիս Ադրիանոյի գոլից հետո որոշել են «Նորդշելանդին» վերադարձնել պարտքը:

«Ես տեսա, որ Լուիս Ադրիանոն մեն-մենակ է դուրս գալիս դարպասապահի դեմ, ինչ էր եղել մինչ այդն չգիտեմ: Իմ գործը չէ մրցակցի գործողությունները մեկնաբանելը, իսկ Ադրիանոն պարզապես իր գործն արեց՝ դուրս գալով դարպասապահի դիմաց: «Նորդշելանդի» ֆուտբոլիստները ցանկանում էին մեզ ապացուցել, որ դա արդար խաղի կանոններից դուրս էր և այդպես չէր կարելի: Երկրորդ գոլը մենք միտումնավոր բաց թողեցինք: Այդպես թիմը որոշեց: Երկրորդ գոլը խփելիս մենք չխանգարեցինք մրցակցին, որպեսզի վերականգնենք արդարությունը: Իսկ արդյունքում մենք խփեցինք ոչ թե մեկ, երկու, երեք, այլ հինգ գոլ: Ի՞նչ հարց կա որ»,-կիսապաշտպանի խոսքերը մեջբերում է terrikon.com-ը: