Իսրայելը ռմբակոծել է Agence France Presse-ի գրասենյակը

Իսրայելական ավիացիան նոյեմբերի 21-ի գիշերը ռմբակոծել է Գազայի հատվածում գտնվող շենք, որտեղ տեղակայված է Agence France Presse-ի գրասենյակը. հաղորդում է գրասենյակի լուսակարիչը։

Վերջինիս խոսքերով՝ առնվազն 3 հրթիռ է ընկել գրասենյակային շենքի 6-րդ հարկի վրա։ Ինքը՝ լրագրողը, որ հարվածի պահին 4-րդ հարկում էր գտնվում, չի տուժել, ինչպես և գործակալության մյուս աշխատակիցները։

Հիշեցնենք, որ նոյեմբերի 14-ին Իսրայելը սկսել է մեծամասշտաբ ռազմական գործողություններ Գազայի հատվածում՝ ի պատասխան պաղեստինյան զինյալների կողմից Իսրայելի տարածքի ուղղությամբ շարունակական հրթիռային հարձակումների: Ռազմական գործողությունների շրջանակներում Իսրայելը ռմբակոծում է ՀԱՄԱՍ-ի օբյեկտները օդից և ծովից։

Իրենց հերթին՝ զինյալները շարունակում են ռմբակոծել Իսրայելը: Վերջին հաշվարկների համաձայն՝ ռազմական գործողությունների մեկնարկից ի վեր զոհվել է 109 պաղեստինցի, որոնց մեծ մասը խաղաղ բնակիչներ են: Իսրայելը կորցրել է երեք խաղաղ բնակչի: