Նոր Զելանդիայում հրաբուխ է ժայթքել

Նոր Զելանդական Հյուսիսային կղզում չորեքշաբթի օրը ժայթքել է Տոնգարիրո հրաբուխը: Այս մասին հաղորդում է Интерфакс-ը՝ հղում կատարելով Նոր Զելանդիայի թագավորական գիտահետազոտական ինստիտուտի հրաբխաբաններին:

Նոր Զելանդիայի քաղաքացիական պաշտպանության ծառայությունը ժայթքումը գնահատել է որպես թույլ, սակայն նշել է նաև անկանխատեսելի զարգացումների մասին:

«Մոտակա շրջաններում հնարավոր է մոխրի արտանետում»,-հայտնել են ծառայությունից: Զոհեր և տուժածներ չկան: Տոնգարիրո հրաբուխն ակտիվացել էր այս տարվա օգոստոսին: Այդ ժամանակ նույնպես տեղի էր ունեցել ժայթքում: