Վեդիի քաղաքապետի որդին մարդ է ծեծել. Ոստիկանությունում նյութեր են նախապատրաստվում
Վերջին լուրեր
Արարատի մարզի Վեդի քաղաքում տեղի ունեցած դաժան ծեծի կապակցությամբ Ոստիկանության Արարատի բաժնում նյութեր են նախապատրաստվում: Այս մասին Lurer.com-ի հետ զրույցում ասաց Ոստիկանության հասարակայնության հետ կապերի և լրատվության վարչության աշխատակից Արմեն Մալխասյանը:
Հիշեցնենք, որ ըստ մամուլի հրապարակման՝ օրերս արտառոց դեպք է տեղի ունեցել Արարատի մարզի Վեդի քաղաքում: Ըստ «Ժողովուրդ»-ի աղբյուրների՝ Վեդու ՀՀԿ-ական քաղաքապետ Վարուժան Բարսեղյանի որդին՝ Հակոբ Բարսեղյանը, ռետինե մահակով (դուբինկայով) դաժանաբար ծեծի է ենթարկել նույն քաղաքի երիտասարդ բնակիչ Սահակ Սահակյանին: Պատճառն այն է եղել, որ Բարսեղյանի որդին մեծ արագությամբ է սլացել քաղաքով և չքավոր ընտանիքի տղան՝ Սահակը, համարձակվել է նրան զգուշացնել, թե պետք չէ այդպես մեքենա վարել:
Արդյունքում երիտասարդն այսօր գտնվում է հիվանդանոցում, իսկ քաղաքապետ Վարուժան Բարսեղյանը երեկ ողջ օրն այդպես էլ չպատասխանեց թերթի հեռախոսազանգերին: Նա հոգացել է Սահակ Սահակյանի բուժման ծախսերը, որպեսզի նրա ընտանիքի անդամները չբողոքեն ՀՀ ոստիկանությունում:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
