Die Welt. Զանգվածային ցույցերը կաթվածահար են արել Արգենտինան

Երկար ժամանակ Արգենտինայի բնակչությունը հանգիստ էր, սակայն այժմ նրա համբերության բաժակը լցվել է. գրում է գերմանական թերթը: Միլիոնավոր մարդիկ մի կողմ են թողել աշխատանքը և բարձր հարկերի դեմ բողոքի ցույցի դուրս եկել:

Առաջին անգամ տաս տարիների ընթացքում արգենտինացիների մեծամասնությունը մեկ օրով միասնական դադարեցրել է աշխատանքը և գործադուլ հայտարարել: Աշխատողները և գործազուրկները մայրաքաղաք Բուենոս Այրեսում փակել են երկրի կարևոր փողոցներն ու կամուրջները:

Երկրի ողջ տարածքով իրենց աշխատանքն են դադարեցրել հասարակական փոխադրամիջոցներն ու գնացքները: Բանկերն ու հասարակական ծառայությունները փակ են: Պետական հիվանդանոցներում գործում են միայն արտակարգ ծառայությունները, դպրոցներում դադարեցվել են դասերը: Բազմաթիվ ավիաչվերթներ դադրեցրե են իրենց թռիչքը:

Բուենոս Այրեսում տաս օր առաջ հարյուր հազարավոր մարդիկ բողոքի էին դուրս եկել գործող քաղաքականության դեմ: Նրանց հիմնական պահանջներն ուղղված են բարձր հարկերի դեմ: Քաղաքացիները պահանջում են բարելավել թոշակառուների կենսապայմանները և մատչելի դարձնել բժշկական ծառայությունները: