Ընդդիմադիրները գիտեն, թե ովքեր և երբ են փախնում. ՀՀԿ պատգամավոր
Վերջին լուրեր
Այսօր ԱԺ–ում ընդդիմադիր ուժերի կողմից հրավիրված արտահերթ նիստը չկայացավ։ Քվորում չապահովվեց, ներկա էր 44 պատգամավոր։ Լուրեր.com-ը զրուցեց ՀՀԿ խմբակցության քարտուղար Հովհաննես Սահակյանի հետ, ով այդ պահին գտնվում էր ԱԺ-ում։
–Պարո՛ն Սահակյան, ինչո՞ւ չներկայացաք արտահերթ նիստին։
–Իսկ ի՞նչու պետք է ներկայանայի։
–Սա բոյկո՞տ էր։
–Սա բոյկոտ չէր։ Սա մեր քաղաքականությունն էր, որ այս նիստին չենք մասնակցել։
–Կբացատրեք, ինչո՞ւ։
–Որովհետև արտահերթ նիստ հրավիրել էր ընդդիմությունը այն օրակարգով, որի հետ մենք համամիտ չէինք, և, բնականաբար, չգնացինք։
–Ավելի ճիշտ չէ՞ր լինի նիստին մասնակցել և Ձեր հիմնավորումները ներկայացնել
–Ո՛չ։
–Ինչո՞ւ։
–Նպատակահարմար չէր։ Մեր ռազմավարությունը և քայլերն ուղղված էին այլ հարթության վրա։
–Ընդդիմադիր մի քանի գործիչներ ՀՀԿ քայլը որակում են փախուստ։ Սա փախո՞ւստ էր։
–Հումորով կվերաբերվեմ, որովհետև իրենք գիտեն՝ ովքեր են փախնում և երբ են փախնում։
–Ըստ ընդդիմադիր գործիչների՝ հանրապետականները չունեին այն երկաթյա ամրապնդումները, թե ինչու են դեմ այդ օրինագծին։
–Ես չեմ կարծում. մենք դա կարող ենք 2-3 րոպեում պարզաբանել։ Ես կարող եմ ցանկացածին հրավիրել և ներկայացնել այն փաստարկները, թե ինչու մենք չենք մասնակցել այս օրինագծի քննարկմանը՝ կախված այս լուրջ օրինագծի բարեփոխումների հետ։ Կարծում եմ՝ ընդդիմության այց ցայտնոտի մեջ գտնվող քայլերը, որպեսզի վերակենդանանան, գտնեն իրենց տեղը և դրանով կենդանության նշաններ ցույց տան, կարծում եմ, որ տեղին չէր։ Մենք չենք պատրաստվում քաղաքական այս կամ այն ուժին, այս կամ այն քաղաքական գործին կենդանության նշույլներ ստանալուն օգնենք։
–Ո՞ր քաղաքական ուժի մասին է խոսքը։
–Չեմ ասի։ Եթե դուք մանրամասն ներկայացնեք, կարծում եմ մեր ընթերցասեր հասարակությունը կհասկանա, թե ինչի մասին է խոսքը։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
