Ի՞նչ անհետաձգելի հանդիպումներ է ունեցել Գագիկ Ծառուկյանը

«Գագիկ Ծառուկյանն այսօր պազապես չի կարողացել ներկա գտնվել ԱԺ արտահերթ նիստին մի պարզ պատճառով, որ նույն ժամին կուսակցության կենտրոնական գրասենյակում շատ կարևոր ու նախօրոք պլանավորած հանդիպումներ է ունեցել՝ կապված ընդանուր քաղաքական գործընթացների հետ»։

Այս մասին Lurer.com-ի հետ զրույցում ասաց ԲՀԿ նախագահ Գագիկ Ծառուկյանի մամուլի խոսնակ Իվետա Տոնոյանը:

Հանդիպումների մասին խոսնակը չկարողացավ մանրամասներ ներկայացնել, բայց նշեց, որ նպատակահարմարության դեպքում այդ մասին հայտարարություն կարվի։ 

Հիշեցնենք, որ այսօր՝ նոյեմբերի 21-ին, արտահերթ նիստ հրավիրելու առաջարկով հանդես էր եկել ԱԺ ՀԱԿ խմբակցությունը։ Նախաձեռնությանը միացել էին նաև ԲՀԿ, ՀՅԴ, «Ժառանգություն» և «Ազատ Դեմոկրատներ» կուսակցությունները։