Հաճելի է իմանալ, որ արդեն դուրս ենք եկել հաջորդ փուլ. Հենրիկ Մխիթարյան

 «Շախտյորի» կիսապաշտպան Հենրիկ Մխիթարյանը խոսել է Չեմպիոնների լիգայում «հանքափորների» ցուցադրած խաղի մասին.

«Հաճելի է իմանալ, որ արդեն դուրս ենք եկել հաջորդ փուլ, սակայն առաջիկայում սպասվում է ամենակարևոր խաղը «Յուվենտուսի» հետ: Հենց այդ խաղի արդյունքում պարզ կդառնա՝ մենք հաջորդ փուլ դուրս կգանք առաջին տեղով, թե՝ երկրորդ: Մենք ուժեղ կազմ ունենք,  բրազիլացի հիանալի հարձակվողներ ունենք, իսկ մարզիչը հիանալի թիմ է սարքել: «Յուվենտուսի» հետ խաղում մեզ ոչ ոքին էլ է բավարար, սակայն մենք մի փոքր այլ կերպ ենք մտածում: Մենք խաղալու ենք տանը և մեր երկրպագուները հաղթանակ են ակնկալում մեզանից, այդ պատճառով էլ ձգտելու ենք արդարացնել սպասումները»,-Մխիթարյանի խոսքերը մեջբերում է ՈւԵՖԱ-ի պաշտոնական կայքը: