Կոչուբաևը հրաժարվել է ցուցմունք տալ․ Նրան կալանավորելու միջնորդություն է ներկայացվելու․ Էրիկ Ալեքսանյան

Ալեքսանդր Կոչուբաևին կալանավորելու միջնորդություն է ներկայացվելու. այս մասին էլ լրագրողների հետ զրույցում ասաց Կոչուբաևի պաշտպաններից Էրիկ Ալեքսանյանը։

«Ալեքսանդր Կոչուբաեւը 24 ժամով ձերբակալվել է, այդ ընթացքում դատարանը կքննի խափանման միջոցի հարցը։ Կոչուբաևի մեղադրանքը կապված է իր ֆեյսբուքյան գրառման հետ։ Կոչուբաևը իր մեղադրանքը չի ընդունում, հրաժարվել է ցուցմունք տալ։ Մեղադրանքի հոդվածն ու գրառումն իրար հետ աղերս չունեն»,– ասաց պաշտպանը։

Հիշեցնենք, որ ավելի վաղ Քննչական կոմիտեից հայտնել էին, որ քրեական վարույթի նախաքննության ընթացքում 1 անձի նկատմամբ հարուցվել է հանրային քրեական հետապնդում՝ Քրեական օրենսգրքի 490-րդ հոդվածի 2-րդ մասով (դատավորի, դատախազի, քննիչի մասին արատավորող, նշված անձանց իրավունքներին ու օրինական շահերին այլ վնաս պատճառող տեղեկություն հրապարակելը՝ կապված նշված անձանց օրինական ծառայողական կամ մասնագիտական գործունեության հետ):