Կոչուբաեւի խափանման միջոցի հարցի քննարկումը մակագրվել է Մասիս Մելքոնյանին
Իրավունք
Ֆեյսբուքյան գրառման համար ձերբակալված փաստաբան Ալեքսանդր Կոչուբաևի խափանման միջոցի հարցի քննարկումը մակագրվել է դատավոր Մասիս Մելքոնյանին։
Այս մասին հայտնում է փաստաբան Աբգար Պողոսյանը:
Նշենք, որ ըստ տեղեկությունների՝ խափանման միջոցի հարցի քննարկումը տեղի կունենա ժամը 01։00-ին։
Հիշեցնենք, որ փաստաբանը ձերբակալվել է այսօր 17.40–ի սահմաններում Շենգավիթի դատարանից դուրս գալիս։ Դիմակավորված իրավապահները գետնին են պառկեցրել Կոչուբաեւին, ապա բերման ենթարկել Քննչական կոմիտե, որտեղ նրան մեղադրանք է առաջադրվել։
Կոչուբաեւի նկատմամբ քրեական վարույթ է հարուցվել Քրեական օրենսգրքի 490-րդ հոդվածի 2-րդ մասով (դատավորի, դատախազի, քննիչի մասին արատավորող, նշված անձանց իրավունքներին ու օրինական շահերին այլ վնաս պատճառող տեղեկություն հրապարակելը՝ կապված նշված անձանց օրինական ծառայողական կամ մասնագիտական գործունեության հետ:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
