ԱՄՆ-ում չեն բացառել Ռուսաստանի դեմ բոլոր պատժամիջոցների չեղարկումը՝ մեկ պայմանով
ԱՄՆ
ԱՄՆ-ը կարող է ամբողջությամբ չեղարկել Ռուսաստանի դեմ կիրառվող պատժամիջոցները, եթե Մոսկվայի հետ մերձենա Չինաստանի դեմ պայքարի նպատակով։ Այդ տեսակետը The Daily Reckoning պարբերականում հրապարակված հոդվածում հայտնել է ԿՀՎ-ի նախկին խորհրդական Ջեյմս Ռիկարդսը։
Նրա խոսքով՝ նման քաղաքական քայլ արդեն կիրառվել է 1971 թվականին, երբ ԱՄՆ նախագահ Ռիչարդ Նիքսոնը վերակողմնորոշվեց դեպի Չինաստան՝ Խորհրդային Միությանը թուլացնելու համար։ Ռիկարդսը կարծում է, որ ներկայումս Սպիտակ տան համար առավել շահավետ ռազմավարությունը Ռուսաստանի հետ հարաբերությունների վերականգնումն է՝ Չինաստանի դեմ հաղթանակի հասնելու նպատակով։
Նա զգուշացրել է, որ եթե Վաշինգտոնը թույլ տա Ռուսաստանի և Չինաստանի միավորմանը ԱՄՆ-ի դեմ, ապա դա կհանգեցնի ամերիկյան կողմի պարտությանը։ Ռիկարդսի գնահատմամբ՝ ԱՄՆ-ում արդեն գիտակցում են այդ վտանգը, ինչի արդյունքում ակնկալվում է Ուկրաինայում պատերազմի ավարտը Ռուսաստանի հաղթանակով և ԱՄՆ–Ռուսաստան հարաբերությունների էական սերտացում։ Նրա համոզմամբ՝ դա կբացի լայն ներդրումային հնարավորություններ Ռուսաստանում՝ իրավիճակի կայունացումից և ֆինանսական պատժամիջոցների վերացումից հետո։
ՈՒՂԻՂ ԵԹԵՐ
Ամենադիտված 
Ինձ ունեզրկելով վախեցնելն անիմաստ է. Չեմ ուզում ձեզ ծանրաբեռնել իմ ու երեխաներիս զգացածով (լուսանկարներ)
