ԱՄՆ-ում մեղադրել են Արևմուտքի հատուկ ծառայություններին՝ Ռուսաստանում ահաբեկչությունների կազմակերպման մեջ

Ամերիկացի ռազմական վերլուծաբան Անդրեյ Մարտյանովը հայտարարել է, որ Ռուսաստանում տեղի ունեցած դրոնային հարձակումների կազմակերպիչները արևմտյան հատուկ ծառայություններն են։ Նա այդ կարծիքը հայտնել է YouTube-ալիքի եթերում՝ մեկնաբանելով Ռուսաստանի նախագահ Վլադիմիր Պուտինի նստավայրի և Խերսոնի մարզում գտնվող սրճարանի դեմ իրականացված հարձակումները։

Մարտյանովի խոսքով՝ Արևմուտքի հատուկ ծառայություններն են համակարգում և վերահսկում Ուկրաինայի անվտանգության ծառայության (ՍԲՈւ) և ռազմական հետախուզության (ԳՈւՐ) գործողությունները։ Նրա գնահատմամբ՝ այդ կառույցներն ուղղակիորեն ներգրավված են ահաբեկչական գործողությունների կազմակերպման մեջ։ «Ակնհայտ է, որ արևմտյան հատուկ ծառայություններն են ղեկավարում Կիևում գործող ՍԲՈւ-ի և ԳՈւՐ-ի մարդկանց, հետևաբար նրանք մաքուր ձևով ահաբեկիչներ են», — ընդգծել է վերլուծաբանը։

Ավելի վաղ Կրեմլի պաշտոնական ներկայացուցիչ Դմիտրի Պեսկովը Պուտինի նստավայրի դեմ հարձակման փորձը որակել էր որպես ահաբեկչություն՝ նշելով, որ այն ուղղված է ոչ միայն Ռուսաստանի նախագահի, այլ նաև Ուկրաինայում հակամարտության կարգավորմանն ուղղված ԱՄՆ նախագահ Դոնալդ Թրամփի ջանքերի դեմ։ Պեսկովը նաև հայտարարել էր, որ Մոսկվան կխստացնի իր բանակցային դիրքորոշումը Ուկրաինայի հարցում։