Փարիզում Ուկրաինայի հարցով քննարկվելու են անվտանգության երաշխիքների համատեղ պլանները

ԱՄՆ-ը և Եվրամիությունը մտադիր են Փարիզում կայանալիք գագաթնաժողովում համաձայնեցնել Ուկրաինայի անվտանգության երաշխիքների վերաբերյալ իրենց մոտեցումները և ամերիկյան առաջարկները ներառել այսպես կոչված «կամեցողների կոալիցիայի» ծրագրում։ Այդ մասին հայտնում է Bloomberg"-ը՝ հղում անելով իր աղբյուրներին։

Գործակալության տվյալներով՝ եվրոպացի առաջնորդներն ու ԱՄՆ ներկայացուցիչները նպատակ ունեն ավարտին հասցնել անվտանգության երաշխիքների շուրջ համաձայնագրի մշակումը, որը ներառում է նաև խաղաղության հաստատումից հետո Ուկրաինայում ամերիկյան զորքերի հնարավոր ներկայությունը։ Միաժամանակ դեռ հստակ չէ, թե ինչ դեր կունենան ԱՄՆ զինվորականները և որտեղ կտեղակայվեն Ռուսաստանի հետ հնարավոր խաղաղ համաձայնագրի պայմաններում։

Bloomberg-ի աղբյուրների փոխանցմամբ՝ Վաշինգտոնը պատրաստ է աջակցել հրադադարի պահպանման վերահսկմանը՝ տրամադրելով հետախուզական տվյալներ անօդաչու սարքերից և արբանյակներից, ինչը եվրոպացի պաշտոնյաներից մեկի գնահատմամբ կարող է դառնալ «վճռորոշ գործոն»։ Փարիզում հունվարի 6-ին կանցկացվի «կամեցողների կոալիցիայի» բարձր մակարդակի գագաթնաժողովը, որի նախաշեմին Ուկրաինայի նախագահ Վլադիմիր Զելենսկուն հայտարարել է, որ Կիևի համար առաջացել է հակամարտությունը ավարտելու նոր հնարավորություն։