ԱՄՆ-ն երբեք թույլ չի տա, որ Իրանը միջուկային զենք ունենա․ Թրամփ

ԱՄՆ-ն երբեք թույլ չի տա, որ Իրանը միջուկային զենք ունենա։ Այս մասին հայտարարել է ԱՄՆ նախագահ Դոնալդ Թրամփը ազգին ուղղված իր ուղերձում։

Քաղաքական գործիչը խոստովանել է, որ այս «խնդիրը» չի կարող լուծվել մեկ օդային արշավանքով։ Նա հայտարարել է, որ Իսլամական Հանրապետությունը դեռևս ունի հարստացված ուրան, բայց ԱՄՆ-ն արդեն ոչնչացրել է «իրանական բոլոր միջուկային օբյեկտները»։

Թրամփը ընդգծել է, որ Մերձավոր Արևելքում գործողությունից առաջ Թեհրանը գտնվում էր միջուկային զենքի մշակման եզրին։ Սա սպառնալիք էր ներկայացնում ոչ միայն Պարսից ծոցի երկրների, այլև ԱՄՆ-ի և Եվրոպայի համար։

Պետության ղեկավարը վստահեցրել է, որ Իրանի միջուկային ծրագրի ցանկացած վերսկսում կկանխվի հետագա հարվածներով։ Նա նաև խոստացել է վերացնել Իսլամական Հանրապետության ցանկացած նոր առաջնորդի, եթե այն չհամաձայնվի գործարքի։