ՆԱՏՕ-ից դուրս գալը կարող է «աղետ» դառնալ երկրի համար․ ԱՄՆ
ԱՄՆ
ԱՄՆ նախկին մշտական ներկայացուցիչը ՆԱՏՕ-ում Նիկոլաս Բերնսը հայտարարել է, որ դաշինքից դուրս գալը կարող է լուրջ հետևանքներ ունենալ ԱՄՆ-ի համար՝ որպես գլոբալ տերություն։ Նրա խոսքով՝ նման քայլը կդառնա «աղետ», որը կթուլացնի Վաշինգտոնի դիրքերը միջազգային ասպարեզում։
Բերնսը նաև նշել է, որ դժվար է պատկերացնել, թե ԱՄՆ Կոնգրեսը կաջակցի նախագահ Դոնալդ Թրամփի նման նախաձեռնությանը։ Նա ընդգծել է, որ Իրանի շուրջ զարգացումներում ԱՄՆ-ն գործել է առանց ՆԱՏՕ-ի աջակցությանը դիմելու՝ նույնիսկ նախապես չտեղեկացնելով դաշնակիցներին։
Դիվանագետը հիշեցրել է, որ Վաշինգտոնը դեռևս պաշտոնապես չի դիմել ՆԱՏՕ-ին օգնության համար, մինչդեռ դաշինքի մի շարք երկրներ արդեն պատրաստակամություն են հայտնել աջակցել Հորմուզի նեղուցում նավարկության ապահովմանը։ Ավելի վաղ Թրամփը չէր բացառել ԱՄՆ-ի դուրս գալը ՆԱՏՕ-ից՝ դաշինքը բնութագրելով որպես «թղթե վագր»։
ՈՒՂԻՂ ԵԹԵՐ
Ամենադիտված 
Ռուբլին թանկացել է․ փոխարժեքն՝ այսօր
