«Զանգեզուրի միջանցքի» ավտոճանապարհը պատրաստ է գրեթե 90%-ով, երկաթգիծը՝ 70%-ով. Ալիև

«Զանգեզուրի միջանցքի» ավտոճանապարհը պատրաստ է գրեթե 90%-ով, երկաթգիծը՝ 70%-ով։ Այս մասին հայտարարել է Ադրբեջանի նախագահ Իլհամ Ալիևը։

«Ինչ վերաբերում է «Զանգեզուրի միջանցքի» կառուցմանը, ապա այնտեղ ավտոմոբիլային ճանապարհը պատրաստ է գրեթե 90%-ով, իսկ երկաթգիծը՝ մոտավորապես 70%-ով։»,- ասել է նա։

Ալիեւը նաև ընդգծել է Թուրքիայի հետ համակարգված աշխատանքի կարևորությունը՝ նշելով, որ հարևան երկրում արդեն մեկնարկել է Կարս-Նախիջևան երկաթգծի շինարարությունը։

«Մենք գիտենք և շատ ուրախ ենք, որ Թուրքիայում նույնպես սկսվել է Կարս-Նախիջևան երկաթգծի շինարարությունը։ Այս նախագծերի զուգակցումը կբացի նոր կարևոր միջազգային միջանցք, որը կդառնա «Միջին միջանցքի» ճյուղերից մեկը։ Մեր կողմից կառուցվող երկաթուղային ենթակառուցվածքն առաջին փուլում նախատեսված է 15 միլիոն տոննա բեռների փոխադրման համար, սակայն ապագայում այդ ցուցանիշը կարող է ավելանալ»,- հավելել է Ալիևը։