Վազգեն Սաղաթելյանի նկատմամբ սահմանվեց տնային կալանք (Տեսանյութ)

Երևան քաղաքի քրեական դատարանի Ավանի նստավայրում, դատավոր Մանվել Շահվերդյանի նախագահությամբ, ավարտվեց քաղբանտարկյալ Վաղգեն Սաղթելյան խափանման միջոցի փոփոխության հարցի քննությունը, «Իմնեմնիմի» հաղորդաշարի համահեղինակ Վազգեն Սաղաթելյանի նկատմամբ սահմանվեց տնային կալանք խափանման միջոց՝ 2 ամիս ժամկետով:

Նշենք, որ  Վազգեն Սաղաթելյանը 140 օր է՝ խոսքի համար ապօրինի կալանավորված է, Նարեկ Սամսոնյանի՝ հրապարակային խոսքով հանդես գալու իրավունքն է սահմանափակված։  

Նարեկ Սամսոնյանի նկատմամբ տնային կալանքը փոխվել է վարչական հսկողության՝ հրապարակային խոսքի արգելքի պայմանով։ 2026 թ. հունվարի 9-ին դատարանը 3 ամսով երկարաձգել էր նրանց կալանքի ժամկետը։  Դատարանի որոշումից հետո Նարեկ Սամսոնյանը հայտարարել էր անժամկետ հացադուլ սկսելու մասին։ Հացադուլը սկսելուց 15 օր անց Սամսոնյանը տեղափոխվել էր «Իզմիրլյան» բժշկական կենտրոն, որտեղ վիրահատվել էր։ Դրանից հետո Սամսոնյանի կալանքը փոխարինվել էր խիստ սահմանափակումներով տնային կալանքով,նչը նրա փաստաբաններն ու քաղաքական, հասարակական շրջանակները ոչ իրավաչափ են գնահատում:

Հիշեցնենք, որ 2025 թ. նոյեմբերի 13-ին «Իմնեմնիմի» փոդքասթի համահեղինակներ Նարեկ Սամսոնյանն ու Վազգեն Սաղաթելյանը կալանավորվել էին։  Սամսոնյանին ու Սաղաթելյանին մեղադրանք էր առաջադրվել խուլիգանության հոդվածով՝ ԱԺ նախագահ Ալեն Սիմոնյանի հաղորդման հիման վրա: Վազգեն Սաղաթելյանն ու Նարեկ Սամսոնյանը չեն ընդունում իրենց առաջադրված մեղադրանքները։