Մակրոն․ Փարիզը պատրաստ է օգնել ապահովել նավագնացությունը Հորմուզի նեղուցում
Աշխարհ
Ֆրանսիան պատրաստ է նպաստել Հորմուզի նեղուցում նավարկության անվտանգության պահպանմանը։ Այս մասին հայտարարել է նախագահ Էմանուել Մակրոնը իր իրանցի գործընկեր Մասուդ Փեզեշքիանի հետ հեռախոսազրույցից հետո։
«Անհրաժեշտ է, որ Իրանը հնարավորինս շուտ վերականգնի Հորմուզի նեղուցում նավարկության ազատությունն ու անվտանգությունը, և Ֆրանսիան պատրաստ է նպաստել դրան», – գրել է Մակրոնը իր նամակում։
Պետության ղեկավարի խոսքով՝ Իրանի նախագահի հետ զրույցում նա ընդգծել է «հրադադարի պահպանման կարևորությունը, այդ թվում՝ Լիբանանում»։
«Ֆրանսիան լիովին աջակցում է Լիբանանի իշխանությունների գործողություններին, որոնք միակ օրինական իշխանություններն են», – ընդգծել է Մակրոնը։
Նա կարծիք է հայտնել, որ Իրանը պետք է «օգտվի Իսլամաբադում սկսված բանակցությունների ընձեռած հնարավորությունից՝ կայուն դեէսկալացիայի և տարածաշրջանում բոլոր ներգրավված երկրների մասնակցությամբ հուսալի անվտանգության երաշխիքներ ապահովող իմաստալից համաձայնագրի ճանապարհ հարթելու համար»։
ՈՒՂԻՂ ԵԹԵՐ
Ամենադիտված 
Հարսը թունավորել է ամուսնուն և նրա ծնողներին հարսանիքից երկու օր անց
