Խոշոր ավտովթար «Հարսնաքար» ռեստորանային համալիրի դիմաց (Ֆոտո)

Ինչպես ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, Հոկտեմբերի 23-ին՝ ժամը 16:00-ի սահմաններում, ավտովթար է տեղի ունեցել Երևանում:

Աճառյան փողոցում՝ «Հարսնաքար» ռեստորանային համալիրի դիմաց, իրար են բախվել «ԳԱԶ 3110» մակնիշի ՊՆ 0474 համարանիշի, «Տոյոտա Կարոլա» մակնիշի տաքսի ծառայությանը պատկանող Լ2477 համարանիշի, «Մերսեդես» մակնիշի 10 VV 100 համարանիշի և «Օպել Աստրա» մակնիշի 1563 ժամանակավոր համարանիշի ավտոմեքենաները:

Ֆոտոլրագրող Գագիկ Շամշյանը հայտնում է, որ «ԳԱԶ 31»-ը վարել է ՊՆ գնդապետ Տիգրան Ծատուրյանը, «Տոյոտա Կարոլա»-ն՝ Նորայր Խանյանը, «Մերսեդես»-ը վարել է Արտաշես Բեյբությանը, իսկ «Օպել Աստրա»-ն՝ Արմեն Գալստյանը:

Դեպքի վայրում հետաքննչական աշխատանքները ղեկավարում էր ՃՈ հետաքննչական բաժնի հետաքննիչ Գրիգոր Ավետիսյանը, ում հանձնարարականով նույն օրը վթարված 4 ավտոմեքենաները տեղափոխվեցին Երևանի ՃՈ տուգանային հրապարակ:

Վթարի վայրում հավաքվածները պատմում էին, որ «էդ 4 մաշինեքը պլաշադկա տանելու համար 2 ժամից ավել միլիցեքը բազարներ էին անում շոֆերների հետ, մինչդեռ էդ ով չգիտի որ վթարի մեղավորը միշտ էլ հետևի խփողնա լինում»:

Թե ով է վթարի հիմնական մեղավորը, կպարզվի փորձաքննության արդյունքում:

Ֆոտոլրագրողը հայտնում է, որ Արտաշես Բեյբությանը աշխատում է Կառավարությանն առընթեր ՊԵԿ-ի նախագահի տեղակալ:

Լուսանկարները՝ Գագիկ Շամշյանի