Վթարի է ենթարկվել ՊՆ զինվորական զրահամեքենա. կա 1 զոհ, 3 վիրավոր

Այսօր՝ հոկտեմբերի 25-ին, արտակարգ դեպք է տեղի ունեցել Սյունիքի մարզում: Ինչպես LURER.com-ին հայտնում է ֆոտոլրագրող Գագիկ Շամշյանը, Երևան-Մեղրի ավտոճանապարհի 254-րդ կիլոմետրում Պաշտպանության նախարարությանը պատկանող զինվորական զրահամեքենան դուրս է եկել երթևեկելի գոտուց, շրջվել և մոտ 70 մետր գլորվել ձորը: Վթարի հետևանքով ՀՀ ՊՆ սպա 28-ամյա Արամայիս Սարգսյանը տեղում մահացել է, իսկ շարքայիններ 20-ամյա Գագիկ Մարգարյանը, 19-ամյա Կարեն Պարոնյանը և 19-ամյա Արամ Ալոյանը մարմնական վնասվածքներով տեղափոխվել են Գորիսի կենտրոնական հիվանդանոց: Դեպքի վայր են ժամանել ոստիկանության Գորիսի բաժնի աշխատակիցները: Ժամանել էին նաև Ճանապարհային ոստիկանության 2-րդ սպայական գումարտակի 6-րդ վաշտի աշխատակիցները՝ հրամանատար Արամ Գալստյանի գլխավորությամբ: Դեպքի վայր էին ժամանել ՀՀ ՊՆ ռազմական ոստիկանության քննիչները: