Արմեն Գևորգյանը Մոսկվայում կմասնակցի ԱՊՀ տնտեսական խորհրդի 62-րդ նիստին
Դիվանագիտական առաքելություններ
ՀՀ փոխվարչապետ, ԱՊՀ տնտեսական խորհրդի անդամ Արմեն Գևորգյանն այսօր' հունիսի 20-ին, Մոսկվայում կմասնակցի ԱՊՀ տնտեսական խորհրդի 62-րդ նիստի աշխատանքներին: Խորհրդի նիստի օրակարգում ընդգրկված են ԱՊՀ մասնակից երկրների տնտեսական փոխգործակցության տարբեր բնագավառներին վերաբերող հարցեր: Մասնավորապես, խորհրդի նիստի քննարկմանը կներկայացվեն արտակարգ իրավիճակների նախազգուշացման և չեզոքացման ոլորտում համագործակցության համաձայնագրի նախագիծը, ԱՊՀ երկրների տնտեսական համագործակցության հետագա զարգացման հայեցակարգով նախատեսված հիմնական միջոցառումների ծրագրի, ինչպես նաև մինչև 2020թ. ընկած ժամանակահատվածում ԱՊՀ երկրների տնտեսական զարգացման ռազմավարության երկրորդ փուլի միջոցառումների ծրագրի կատարման ընթացքը:
Զեկույցներ կներկայացվեն նաև ԱՊՀ երկրների գործարար և ներդրումային միջավայրի, ազատ տնտեսական գոտիների, արդյունաբերական և գիտատեխնիկական պարկերի, ԱՊՀ երկրների արժեթղթերի շուկայի իրավիճակի մասին: Կքննարկվեն նաև ֆինանսաբյուջետային և կազմակերպչական մի շարք հարցեր:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
