«ԲՄՎ»-ն վրաերթի է ենթարկել հետիոտնին, ով տեղում մահացել է

Այսօր՝ նոյեմբերի 2-ին, վրաերթ է տեղի ունեցել Երևանում:

Ինչպես դեպքի վայրից LURER.com-ին հայտնում է ֆոտոլրագրող Գագիկ Շամշյանը, ժամը 18:20-ի սահմաներում Մաշտոցի վարչական շրջանի Բաշինջաղյան փողոցի 183 շենքի դիմաց 22-ամյա Վահրամ Բադալյանը, վարելով «ԲՄՎ» մակնիշի 25 ՕՕ 299 համարանիշի ավտոմեքենան, վրաերթի է ենթարկել հետիոտնին, ով տեղում մահացել է: Հետիոտնը փողոցն անցնելիս է եղել չթույլատրելի հատվածով:

Վարորդը դեպքի վայրից փախուստի չի դիմել:

Դեպքի վայր են ժամանել Երևանի Ճանապարհային ոստիկանության աշխատակիցները՝ Երևանի Ճանապարհային ոստիկանության պետ Արսեն Մարդոյանի գլխավորությամբ:

Այս պահին դեպքի վայր է ժամանել ոստիկանության Մաշտոցի բաժնի օպերատիվ խումբը՝ բաժնի պետ Ավետիք Աբրահամյանի, օպերգծով տեղակալ Արմեն Գասպարյանի գլխավորությամբ:

Ժամանել են նաև ոստիկանության քննչական գլխավոր վարչության, Երևանի քննչական վարչության ճանապարհատրանսպորտային հանցագործությունների քննության բաժնի քննիչները՝ բաժնի պետ Արտավազդ Ղազարյանի գխավորությամբ:

Քննչական աշխատանքները ղեկավարում է ՃՏՀ քննության բաժնի քննիչ Արթուր Գասոյանը:

Oպերատիվ-քննչական միջոցառումների արդյունքում պարզվել է, որ վրաերթի հետևանքով մահացածը «Շանթ» գործարանի աշխատակից 56-ամյա Օնիկ Վարդանյանն էր:

Լուսանկարները և տեսանյութը՝ Գագիկ Շամշյանի