Ավտովթար Արարատի մարզում. 27-ամյա վարորդը տեղում մահացել է (ԹԱՐՄԱՑՎԱԾ՝ ՖՈՏՈ, ՏԵՍԱՆՅՈՒԹ)

Երեկ՝ նոյեմբերի 2-ին, ավտովթար է տեղի ունեցել Արարատի մարզում:

Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 23.50-ին Մասիսի հիվանդանոցից ոստիկանության Մասիսի բաժին հայտնել են, որ Երևան-Արտաշատ ավտոճանապարհին՝ Այնթապ գյուղի հատվածում, ավտովթար է տեղի ունեցել, որի հետևանքով վարորդը մահացել է:

Դեպքի վայր են ժամանել ոստիկանության Մասիսի բաժնի օպերատիվ-քննչական խումբը՝ քննիչ Ս.Անդեասյանի գլխավորությամբ:

Պարզվել է, որ նույն օրը՝ ժամը 23.30-ի սահմաններում, Արարատի մարզի Այնթափ գյուղի բնակիչ, 27-ամյա Ներսիկ Ներսիսյանը, վարելով Արարատի մարզի Դաշտավան գյուղի բնակիչ, 36-ամյա Սուրիկ Զաքևոսյանին պատկանող «Օպել Վեկտրա» մակնիշի 15 ՕՕ 374 համարանիշի ավտոմեքենան, Երևան-Արտաշատ ավտոճանապարհին՝ Այնթապ գյուղի հատվածում, դուրս է եկել ավտոճանապարհի երթևեկելի գոտուց և բախվել Այնթապ գյուղի 7-րդ փողոցի սկզբնամասում գտնվող քարե շինության պատին, որի հետևանքով Ն. Ներսիսյանը տեղում մահացել է:

Փաստի առթիվ ոստիկանության Մասիսի քննչական բաժանմունքում նյութեր են նախապատրաստվում: Ավտոմեքենան տեղափոխվել է ոստիկանության Մասիսի բաժնի տուգանային հրապարակ: