Էդվարդ Նալբանդյանը հրաժեշտի հանդիպում է ունեցել Հայաստանում ԵԽ գրասենյակի ղեկավարի հետ
Դիվանագիտական առաքելություններ
ԱԳ նախարար Էդվարդ Նալբանդյանը դեկտեմբերի 11-ին ընդունել է Հայաստանում Եվրոպայի խորհրդի գրասենյակի ղեկավար Օլեքսանդր Պավլյուկին՝ առաքելության ավարտի կապակցությամբ: Ինչպես «Արմենպրես»-ին տեղեկացրին ՀՀ արտգործնախարարության մամուլի, տեղեկատվության և հասարակայնության հետ կապի վարչությունից, նախարար Նալբանդյանը, շնորհակալություն հայտնելով Օլեքսանդր Պավլյուկին իր արդյունավետ երկամյա գործունեության համա ր, նշել է, որ նրա պաշտոնավարումը համընկավ Եվրոպայի խորհրդում Հայաստանի նախագահության հետ, որի ընթացքում բազմաթիվ արդյունավետ ծրագրեր են իրականացվել։ Հայաստանի արտաքին քաղաքական գերատեսչության ղեկավարը ԵԽ գրասենյակի ղեկավարին հաջողություն է մաղթել իր հետագա գործունեության մեջ:
Օլեքսանդր Պավլյուկը շնորհակալություն է հայտնել ջերմ ընդունելության, իր պաշտոնավարման ընթացքում ԱԳՆ ցուցաբերած համակողմանի աջակցության համար և ընդգծել է, որ անցյալ տարի Եվրոպայի խորհրդում Հայաստանի նախագահությունը աչքի է ընկել իր արդունավետությամբ։
Զրուցակիցներն անդրադարձել են Հայաստան-Եվրոպայի խորհուրդ 2012-2014թթ. գործողությունների ծրագրի իրականացման արդյունքներին, ինչպես նաև մտքեր են փոխանակել 2015-2017թթ. գործողությունների ծրագրի վերաբերյալ:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
