Ադրբեջանի և Վրաստանի միջև «ոչխարային պատերազմ» է սկսվել
Տարածաշրջան
Ադրբեջանի և Վրաստանի միջև «ոչխարային» տնտեսական պատերազմ է սկսվել այն պատճառով, որ Ադրբեջանը չի վճարում ներկրված վրացական ոչխարների փողը:
Ինչպես հաղորդում է «Արմենպրես»-ը, այս մասին «Կոմերսանտ»-ին հայտարարել է Վրաստանի ոչխարաբուծության ասոցիացիայի ղեկավար Բեկա Գոնաշվիլին:
Նրա խոսքով' ներկայումս վրացական ոչխարների միակ կայուն ներկրողը Ադրբեջանն է, քանի որ որոշ մուսուլմանական երկրներ հրաժարվել են վրացական ոչխարներից:
«Սակայն, Ադրբեջանի պարագայում լուրջ խնդիր է այն, որ այդ երկիր ոչխար ներկրողներն անասունները հաճախ տանում են ապառիկ, և շատ դեպքեր կան, որ վրացի անասնաբույծները դեռևս անցյալ տարի Ադրբեջանին վաճառած ոչխարների փողը մինչ օրս չեն կարողանում ստանալ»,- ասել է Գոնաշվիլին:
Վրացի ոչխարաբույծների ղեկավարը հայտնել է, որ Ադրբեջանի կողմից պարտավորությունների չկատարման պատճառով Վրաստանի 20 հազար ոչխարաբույծներ կարող են կանգնել գործազուրկ դառնալու փաստի առաջ:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
