Փսակին մեկնաբանել է, թե ինչու է ԱՄՆ-ն հետաքրքրված Գուլիևի և Ասկերովի ազատ արձակմամբ
Տարածաշրջան
ԱՄՆ պետքարտուղարությունում կարծում են, որ Ստեփանակերտում կալանավորված երկու ադրբեջանցի դիվերսանտներ Շահբազ Գուլիևի և Դիլհամ Ասկերովի հանձնումն Ադրբեջանի կառավարությանը կնվազեցնի լարվածությունը Լեռնային Ղարաբաղի հակամարտության կողմերի միջև: «Արմենպրես»-ի փոխանցմամբ' ԱՄՆ պետդեպի ամենօրյա ճեպազրույցին այս մասին նշել է պետդեպի խոսնակ Ջեն Փսակին:
Վերջերս Բաքու կատարած այցի ժամանակ ԱՄՆ պետքարտուղարի տեղակալ Վիկտորյա Նուլանդը կոչ էր արել Լեռնային Ղարաբաղի իշխանություններին որպես հումանիստական ժեստ Ադրբեջանի կառավարությանը հանձնել Դիլհամ Ասկերովին և Շահբազ Գուլիևին, ովքեր անցյալ տարի դատապարտվել են մի քանի մեղադրանքներով, այդ թվումˋ դեռահասի սպանության մեջ: Լրագրողը խնդրել է հստակեցնել, թե կոնկրետ ինչպիսի՞ ժեստ է ակնկալում ԱՄՆ-ն և ի՞նչը կարդարացնի այդ քայլը:
«Մենք նախկինում էլ դեսպան Ուորլիքի և այլոց միջոցով պաշտպանել ենք այս երկու բանտարկյալների հանձնումն Ադրբեջանի կառավարությանը: Անցյալում կողմերն, ընդհանուր առմամբ, ճանապարհ էին գտելˋ որպես հումանիստական քայլ բանտարկյալներին վերադարձնելը: Եվ նման մարդասիրական ակտերը, ցույց են տվել, որ նվազեցնում են լարվածությունը և փոխվստահություն ստեղծում կողմերի միջև»,- ասել է Փսակինˋ հավելելով, որ Բաքվում Նուլանդը դա է նկատի ունեցել:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
