ԱՊՀ-ի ՀՕՊ-ի համատեղ վարժանքներ կանցկացվեն ՌԴ-ում և Ղազախստանում

ԱՊՀ-ի երկրների հակաօդային պաշտպանության միացյալ համակարգի «Մարտական համագործակցություն-2015» համատեղ վարժանքները Ռուսաստանում և Ղազախստանում կանցկացվեն 2015 թվականի սեպտեմբերին: Այդ մասին, ինչպես տեղեկացնում Է «Արմենպրես»-ը՝ հղում անելով ՌԻԱ Նովոտիին, լրագրողներին հայտնել Է ԱՊՀ-ի երկրների պաշտպանության նախարարն երի խորհրդին առընթեր ՀՕՊ-ի հարցերի համակարգող կոմիտեի փոխնախագահ գեներալ-լեյտենանտ Պավել Կուրաչենկոն:

«Համատեղ վարժանքներին կմասնակցեն Հայաստանի, Բելառուսի, Ղազախստանի, Ղրղզստանի, Ռուսաստանի և Տաջիկստանի զորքերը»,-ասել Է Կուրաչենկոն՝ ամփոփելով կոմիտեի նիստի արդյունքները, որը ապրիլի 7-ին կայացել Է Դուշանբեում:

Կողմերն արդեն համաձայնեցրել են վարժանքների ծրագիրը, սակայն առայժմ մանրամասները մամուլին չեն հայտնել:

Գեներալի խոսքով՝ «Մարտական համագործակցություն-2015» համատեղ վարժանքների անցկացման կապակցությամբ ԱՊՀ-ի երկրների պաշտպանության նախարարների խորհրդին առընթեր ՀՕՊ-ի հարցերի համակարգող կոմիտեի հերթական նիստը կանցկացվի 2015 թվականի սեպտեմբերին Աստրախանում»:

ԱՊՀ-ի մասնակից պետությունների հակաօդային պաշտպանության միացյալ համակարգը գոյություն ունի արդեն ավելի քան 20 տարի: Համակարգի խնդիրների թվում նշվում են մասնակից պետությունների օդային սահմանների պաշտպանության ապահովումը և հնարավոր օդատիեզերական հարձակման համատեղ դիմագրավումը:

ՀՕՊ-ի անմիջական կառավարումն իրականացնում են ազգային հրամանատարները, փոխգործակցությունն ապահվում Է ՌԴ ՀՕՊ-ի Կենտրոնական հրամանատարական կետը:

Օդային տարածության համատեղ պաշտպանությունն իրականացվում Է համաձայնագիրն ստորագրած բոլոր պետությունների կողմից: 2008 թվականին ԱՊՀ-ից, հետևաբար նաև Համագործակցության երկրների ՀՕՊ-ի համակարգից, դուրս Է եկել Վրաստանը: Թուրքմենստանը չի մասնակցում Միացյալ համակարգի գործունեությանը, իսկ Ուզբեկստանի և Ուկրաինայի հետ Ռուսաստանը երկկողմ պայմանագրեր Է կնքել փոխադարձ համագործակցության մասին:

Ռուսաստանի առավել ակտիվ դաշնակիցներն են Բելառուսը, Ղազախստանը և Հայաստանը: