Իրանի պաշտպանության նախարարը ժամանել է Բաքու

Իրանի պաշտպանության նախարար Հոսեին Դեհղանը երկօրյա պաշտոնական այցով ժամանել է Բաքու:

Այս մասին, ինչպես հաղորդում է «Արմենպրես»-ը, հայտնում է ադրբեջանական «Թուրան» լրատվական գործակալությունը' չնշելով այլ մանրամասներ:

Իրանի Mehr լրատվական գործակալությունն ավելի վաղ հայտնել էր, որ Դեհղանը Բաքվում հանդիպումներ կանցկացնի Ադրբեջանի բարձրագույն քաղաքական և ռազմական ղեկավարության հետ:

Հանդիպումների և բանակցությունների ընթացքում քննարկվելու են երկկողմանի հարաբերությունների, տարածաշրջանային և ռազմական խնդիրների հետ կապված հարցեր:

«Դեհղանի Բաքու այցի նպատակը պաշտպանական և ռազմական ոլորտում Ադրբեջանի հետ համագործակցությունը նոր մակարդակի վրա բարձացնելն է»,- նշել է Mehr-ը: