Տարեսկզբից ԱՊՀ-ի հետ Վրաստանի առևտրական շրջանառությունը կրճատվել է մեկ քառորդով

2015 թվականի հունվար-ապրիլ ամիսներին ԱՊՀ-ի երկրների հետ Վրաստանի արտաքին առևտրական շրջանառությունը կազմել է 897 մլն դոլար, ինչը 24 տոկոսով պակաս է, քան 2014 թվականի առաջին չորս ամիսներին: Այդ մասին, ինչպես տեղեկացնում է «Արմենպրես»-ը, հաղորդել է Վրաստանի Վիճակագրության ազգային ծառայությունը՝ «Սաքստատ»-ը (Գրուզստատ):

Ընդ որում արտահանումը կազմել է 250 մլն դոլար (51 տոկոսով պակաս), իսկ ներմուծումը՝ 647 մլն դոլար (3 տոկոսով պակաս):

ԱՊՀ-ի երկրներին բաժին է ընկնում Վրաստանի ամբողջ արտաքին առևտրական շրջանառության 30 տոկոսը (2014 թվականի հունվար-ապրիլին այս ցուցանիշը կազմել է 34 տոկոս): ԱՊՀ-ի երկրներին բաժին է ընկնում Վրաստանի բացասական առևտրական հաշվեկշռի 24 տոկոսը (2014 թվականի հունվար-ապրիլին այս ցուցանիշը կազմել է 10 տոկոս):

2015 թվականի հունվար-ապրիլ ամիսներին Վրաստանի արտաքին առևտրի շրջանառությունը կազմել է 3 մլրդ15 մլն դոլար (առանց չկազմակերպված առևտրի հաշվառման), ինչը 13 տոկոսով պակաս է, քան 2014 թվականի համապատասխան ժամանակաշրջանում: