Լարված իրավիճակ՝ Գեղարքունիքի մարզի Ակունք գյուղում (ՖՈՏՈ, ՏԵՍԱՆՅՈՒԹ)

Լարված իրավիճակ է Գեղարքունիքի մարզի Ակունք գյուղում: Ինչպես ԼՈՒՐԵՐ.com-ին Գեղարքունիքի մարզի Ակունք գյուղից հայտնում է ֆոտոլրագրող Գագիկ Շամշյանը, Ակունք գյուղի բնակիչները բողոքում են իրենց գյուղապետից: Մի քանի գյուղացիներ հայտնում են, որ գյուղապետի համար ամեն օր կիրակի է, այսինքն՝ հանգստյան օր: «Մի շաբաթա չեմ կարողանում մի տեղեկանք պեչատել տամ»,- պատմում էր մեծահասակ ակունքցին:

Իսկ մեկ այլ գյուղացի էլ բողոքում էր թե. «Մեր գյուղապետը երբևէ չի հետաքրքրվում գյուղի խնդիրներով:
Գյուղացիները նշում են, որ իրենց միակ հույսը հանրապետության նախագահն է, ում
հորդորով հնարավոր է՝ գյուղապետը շրջվի դեպի գյուղացին, թե չէ գյուղապետն ասում է, որ ինքը հզոր է այնքան, որ ոստիկանության, դատախազության և մարզպետարանի աշխատակիցներն անզոր են իր դեմ:

Ֆոտոլրագրողը հայտնեց, որ ինքն անձամբ է գնացել գյուղպետարան, սակայն այնտեղ ոչ ոք չի եղել: Նա զանգել է գյուղապետին, սակայն գյուղապետը չի պատասխանել նրա զանգերին:

Մանրամասները՝ տեսանյութում

Լուսանկարները և տեսանյութը՝ Գագիկ Շամշյանի