ԱՊՀ-ի երկրների ռազմական համագործակցությունը գործնական հարթություն է փոխադրվում

ԱՊՀ-ի երկրների զինված ուժերի համագործակցությունը հետևողականորեն գործնական հարթություն է փոխադրվում համատեղ միջոցառումների կազմակերպման հիման վրա: Այդ մասին հայտարարել է Ռուսաստանի զինուժերի գլխավոր շտաբի պետ Վալերի Գերասիմովը, տեղեկացնում է «Արմենպրես»-ը՝ հղում անելով ՏԱՍՍ-ին: Ելույթ ունենալով Համագործակցության մեջ մտնող պետությունների զինված ուժերի գլխավոր շտաբների պետերի կոմիտեի նիստոմ՝ նա ընդգծել է, որ «ԱՊՀ-ի երկրների ռազմակողմ ռազմական համագործակցությունը» տարբեր ձևերով իրականացվում է կոորդինացված գործողությունների և համաձայնեցված պլանների հիման վրա»:

«Մեր ջանքերի վեկտորը հետևողականորեն ռազմապրոֆեսիոնալ վարպետության և զինծառայողների մարտական պատրաստության բարձրացման գործնական հարթություն է փոխադրվում համատեղ միջոցառումների կազմակերպման հիման վրա»,-ասել է Գերասիմովը: Նրա խոսքով՝ Համագործակցության երկրների փոխադարձ շահերի ոլորտը ներառում է զորավարժությունները և հրամանատարաշտաբային վարժանքները, մասնագետների հավաքները, դաշտային, օդային և ծովային պատրաստության մրցույթները, մարզական մրցումները, օլիմպիադաները և այլ միջոցառումներ:

Ռուսաստանի գլխավոր շտաբի պետը նշել է, որ ԱՊՀ-ի երկրների զինվորականները «պահպանում են ամուր ռազմապրոֆեսիոնալ կապերն ու բարեկամական հարաբերությունները», իսկ Պաշտպանության նախարարների խորհրդի ձևաչափով «գործընկերային գործակցության կայուն համակարգ է հաստատվել»: