Ավտովթար Արմավիրի մարզում. իրար են բախվել «Մերսեդես ՄԼ»–ը և 2 «Վազ-21011». կա վիրավոր (ՖՈՏՈ, ՏԵՍԱՆՅՈՒԹ)

Ինչպես ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, երեկ՝ նոյեմբերի 6-ին, ժամը 16:00-ի սահմաններում, Երևան-Արմավիր ավտոճանապարհի 35-րդ կիլոմետրում իրար են բախվել «Մերսեդես ՄԼ» մակնիշի 26 ՕՏ 701 համարանիշի, «ՎԱԶ 21011» մակնիշի 64 ՍՏ 471 համարանիշի և «ՎԱԶ21011» մակնիշի 28 ՏՍ 447 համարանիշի ավտոմեքենաները:

Դեպքի վայր էին ժամանել Ճանապարհային ոստիկանության 2-րդ սպայական գումարտակի 1-ին վաշտի 1-ին դասակի աշխատակիցները՝ ավագ տեսուչ Կամո Ռաֆայելյանի գլխավորությամբ:

Վթարի հետևանքով «ՎԱԶ 21011» մակնիշի 64 ՍՏ 471 համարանիշի ավտոմեքենայի ուղևորուհի Շիրակի մարզի բնակիչ 24-ամյա Ալլա Կարապետյանը տեղափոխվել է Մեծամորի հիվանդանոց:

Ֆոտոլրագրող Գագիկ Շամշյանը հայտնեց, որ «Մեսեդես ՄԼ»-ը վարել է Երևանի Մայիսյան փողոցի 51 շենքի բնակիչ 20-ամյա Տիգրան Ալեքսանյանը, «ՎԱԶ 21011» մակնիշի 64 ՍՏ 471 համարանիշի ավտոմեքենան վարել է Շիրակի մարզի Իսահակյան գյուղի բնակիչ 32-ամյա Սամվել Մաթևոսյանը, իսկ «ՎԱԶ21011» մակնիշի 28 ՏՍ 447 համարանիշի ավտոմեքենան վարել է 32-ամյա Էդիկ Սլոյանը:

Ավտոմեքենաները տեղափոխվել են ոստիկանության Մեծամորի բաժնի տուգանային հրապարակ:

Փաստի առթիվ ոստիկանության Մեծամորի բաժնում նյութեր են նախապատրաստվում:

Լուսանկարները և տեսանյութը՝ Գագիկ Շամշյանի