Խոշոր հրդեհ Երևանում (ՖՈՏՈ, ՏԵՍԱՆՅՈՒԹ)

Այսօր՝ նոյեմբերի 8-ին, ժամը 17:34-ի սահմաններում հրդեհ է բռնկվել Երևանում: Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, հրդեհը տեղի ունեցել Երևանի Կոմիտաս 40/1 շենքի տանիքում:

Դեպքի վայր են ժամանել Արտակարգ իրավիճակների նախարարության, Հայաստանի Փրկարար ծառայության Երևանի հրշեջ փրկարարները:

Ժամանել էր 4 մարտական հաշվարկ: 1 ժամվա ընթացքում հրդեհը հիմնովին մարվեց և մեկուսացվեց:

Բարեբախտաբար, զոհեր և վիրավորներ չկան:

Նախնական տեղեկություններով, այրվել է 300 քմ տարածք:

Ժամանել էին Փրկարար ուժերի վարչության պետ, գեներալ-մայոր Վաչագան Նիկողոսյանը, Փրկարար ծառայության օպերատիվ վարչության պետ, փոխգնդապետ Արման Ցոլակյանը և ԱԻՆ օրվա պատասխանատու Փրկարար ծառայության անձնակազմի կառավարման վարչության պետ, գնդապետ Դավիթ Զաքարյանը:

Դեպքի վայր էր ժամանել նաև ոստիկանության Արաբկիրի բաժնի օպերատիվ-քննչական խումբը:

Լուսանկարները և տեսանյութը՝ Գագիկ Շամշյանի