Բիլ Մյուրեյը համաձայնել է խաղալ «Ուրվականների որսորդները» ֆիլմի երրորդ սերիայում
Գիտություն և Մշակույթ
Ամերիկացի հայտնի դերասան Բիլ Մյուրեյը, որը խաղացել Է «Ուրվականների որսորդները» կինոժապավենում եւ դրա սիքվելում, կմասնակցի ֆրանշիզի նաեւ երրորդ մասին, հաղորդում է «Արմենպրես»-ը՝ հղում անելով The Hollywood Reporter-ին: Նոր կինոնկարը, որտեղ բոլոր գլխավոր դերերը կկատարեն կանայք, Էկրաններ կբարձրանա 2016 թվակա նի հուլիսին: Ֆիլմը կնկարահանի ռեժիսոր Փոլ Ֆիգը:
Առայժմ հայտնի չէ, թե ինչ դեր կխաղա Մյուրեյը, որն ավելի վաղ հանդես Էր գալիս «Որսորդների» ցանկացած ռեմեյքների դեմ եւ բազմիցս հայտարարել Էր, թե կհամաձայնի նկարահանվել երրորդ ֆիլմում, եթե իր հերոսին սպանեն առաջին մի քանի վայրկյանում: Նա կարծում Էր, թե կինոնկարը հազիվ թե հաջողություն ունենա վարձույթում:
Հուլիսի կեսերին նախագծին մասնակցությունը հավաստել է դասական «Որսորդներից» մյուս դերասանը՝ Դեն Էյքրոյդը:
Կատակերգության երրորդ սերիայում գլխավոր դերերը կկատարեն Մելիսա ՄակՔարթին, Քրիստեն Ուիգը եւ Քեյթ ՄակՔինոնը: Դերասանուհիներին կմիանա նաեւ Քրիս Հեմսվորտը, որը նկարահանվում Է որսորդների թիմի քարտուղարի դերում (սկզբնական ֆիլմում այն խաղացել Է դերասանուհի Էննի Փոթսը):
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
