«Մինչ էքստրասենսի բնակարան բարձրանալը՝ Մուշեղը շանտաժի է ենթարկել իր ծանոթուհուն»

«Ժողովուրդ»-ին հասած տեղեկություններով՝ Անի Մաջնունյանի սպանության մեջ կասկածվող Մուշեղ Մխիթարյանը, մինչ Անիի բնակարան բարձրանալը և սպանելը, շենքի բակում շանտաժի է ենթարկել իր ծանոթուհուն: Նախ հիշեցնենք, որ օգոստոսի 5-ի «6-րդ զգայարան» հաղորդման էքստրասենս Անի Մաջնունյանին սպանելու կասկածանքով երկու հոգին էին ձերբակալվել՝ «Յոնուս» թատրոնի տնօրեն Մուշեղ Մխիթարյանը և նրան ծանոթ մի աղջիկ:

Ըստ տեղեկությունների՝ Մուշեղը իմացել է, որ Անին գումար ունի իր մոտ և այն վերցնելու նպատակով իր ծանոթուհու հետ գնացել է Անի Մաջնունյանի տուն:

Սակայն «Ժողովուրդ»-ի լավատեղյակ աղբյուրների փոխանցմամբ՝ Մուշեղն իր ծանոթուհուն համոզել է, որ իր հետ բարձրանա Անի Մաջնունյանի բնակարան, եւ միասին նրանից վերցնեն գումարը, սակայն աղջիկը չի ցանկացել բարձրանալ, Մուշեղը շենքի բակում սկսել է շանտաժի ենթարկել իր ծանոթուհուն, թե պիտի գաս, թե չէ… Սակայն աղջիկը հրաժարվել է, և վերջինները որոշել են, որ Մուշեղը միայնակ կբարձրանա, իսկ նրա ծանոթուհին շենքի բակում կսպասի: Այդպես էլ եղել է: Բայց երբ Մուշեղի ծանոթուհին տեսել է, որ նա շատ է ուշանում, բարձրացել է Անիի բնակարան և ականատես եղել մի տեսարանի, թե ինչպես է Անի Մաջնունյանը գետնին ընկած խռխռում, իսկ Մուշեղը, ըստ էության, գումարն ու ոսկեղենն է փնտրում:

Մանրամասները` թերթի այսօրվա համարում: