Ադրբեջանցի պատգամավորի բացահայտումները՝ Վահան Մարտիրոսօղլուի «վերադարձը հայրենիք» օպերացիայի մասին

Քաղաքագետ Գագիկ Համբարյանը ֆեյսբուքյան իր էջում գրել է.

«Ադրբեջանցի պատգամավորի բացահայտումները

Ադրբեջանի գործակալ Վ.Մարտիրոսյանի փախուստը' ալիևյան կայքերից մեկին, մեկնաբանել է նաև ԵԽԽՎ-ում Ադրբեջանի պատվիրակության ղեկավար Սամեդ Սեիդովը և շատ ուշագրավ հայտարարություններ արել:

Ս.Սեիդովին, իբրև թե, բացարձակ չի հետաքրքում սույն վիժվածքի արարքը: Նրան ավելի հետաքրքրում են Հայաստանի լոբբիստները և նրանց հակաադրբեջանական գործունեությունը: Ազերի պատգամավորը մեղադրում է եվրոպացիներին հայերից կաշառք ստանալու և հակաադրբեջանական որոշումներ ընդունելու մեջ: Ս.Սեիդովը բացարձակ չի թաքցնում այն, որ «Վ.Մարտիրոսյան օպերացիան» կազմակերպվեց այն բանից հետո, երբ սեպտեմբերի 11-ին Եվրախորհրդարանը պատժամիջոցներ մտցրեց Ադրբեջանի դեմ, ինչպես նաև վատթարացան Բաքվի հարաբերությունները ԵԱՀԿ-ի հետ: Ազերիները չէին սպասում այսպիսի ապտակ Եվրոպայից, որը հետաքրքրված է նրանց նավթով: Պատահական չէր, որ Բաքվում իր տխրահռչակ «մամլո ասուլիսի» ժամանակ հայերի կողմից կաշառված եվրոպացների մասին բարբաջեց նաև ԴԱՎԱՃԱՆ Վ.Մարտիրոսյանը:

Այսպիսի հայտարարություն չի արել ազերիների կողմից գերեվարված ոչ մի հայ, որոնց Բաքուն պարտադրում էր հանդես գալ հայտարարությամբ, որոնց հեղինակն Ադրբեջանի ԱԱԾ-ն էր: Երկրորդ հետաքրքիր դրվագն այն է, որ ըստ Ս.Սեիդովի' մոտակա ժամանակում ավելի շատ հայեր կանցնեն Ադրբեջան և դրանով «կքանդվի ադրբեջանցիների և հայերի թշնամու արհեստական այն կերպարը, որը ստեղծվել է արտաքին ուժերի կողմից»: Պարզվում է, որ Ադրբեջանում պետական մակարդակով տարվող հայատյացության քաղաքականությունը, ըստ Ս.Սեիդովի' տարվում է արտաքին ուժերի կողմից:

Ս.Սեիդովը մոռանում է, թե ինչպես ոչ վաղ անցյալում Ադրբեջան գերի ընկած 77-ամյա Մամիկոն Խոջոյանին հռչակել էին ԴԻՎԵՐՍԱՆՏ և կտտանքների ենթարկել, ինչի հետևանքով Հայաստան վերադառնալուց հետո, կարճ ժամանակ անց նա մահացավ: Կամ Չինարի գյուղի բնակիչ Կարեն Պետրոսյանի ՍՊԱՆՈՒԹՅՈՒՆԸ Բաքվում անցյալ տարվա օգոստոսի 7-ին: Ու սա ընդամենը երկու օրինակ բերեցի, թե ազերիներն ինչպիսի «հյուրընկալությամբ» են ընդունում Բաքվում հայտնված հայերին, որ վերջիններս մահանում են: Ս.Սեիդովի կարծիքով Վ.Մարտիրոսյանն իր մամլո ասուլիսով կարող է ազդել Հայաստանի բնակչության կարծիքի վրա: Այո, ազդեց, բայց ԲԱՑԱՍԱԿԱՆ իմաստով: Վ.Մարտիրոսյանի անգիր արած հակահայկական տեքսետրի ընթերցումը և Ս.Սեիդովի այս հայտարարությունը ևս մեկ անգամ ապացուցում են,որ «ընդդիմադիր» Վ.Մարտիրոսյանը ադրբեջանական գործակալ էր, որը գործեց Բաքվում նստած իր տերերի ցուցումով: Ս.Սեիդովն ուզում է ապացուցել, որ հայերի և ադրբեջանցիները թշնամանքը ԴՐՍԻՑ է հովանավորվում և այն ապացուցելու համար կազմակերպվեց Վ.Մարտիրոսօղլուի «վերադարձը հայրենիք» օպերացիան:

Սակայն Ս.Սեիդովն ամեն ինչ ջուրը լցրեց, երբ չկարողացավ զսպել իր ԿԵՆԴԱՆԱԿԱՆ հայատյացությունը, ասելով. «Երբ հայերը մոտենում են որևէ երկրի բարձրագույն ղեկավարությանը՝ դրանք կործանվում էին: Լինի դա Օսմանյան կայսրությունը, թե ԽՍՀՄ-ը: Հիմա նույնը մենք տեսնում ենք Եվրոպայում...» Ս.Սեիդովն իր այս վերջին բարբաջանքով ամեն ինչ խառնեց: Պարզ չէ, թե հիմա հայերն են կազմաքանդում Եվրոպան, թե՞ Եվրոպան է խառնում հայերին և ազերիներին...»: