Դատարանը վերցվել էր ուժեղացված հսկողության տակ. ներկայացնում էին նորանշանակ դատավորին
Գագիկ Շամշյանը հայտնում է
Այսօր՝ նոյեմբերի 15-ին, Երևանի Կենտրոն-Նորք Մարաշ վարչական շրջանների Ընդհանուր իրավասության դատարանում արդեն 2 ժամ է, հայտարարված է ուժեղացված ծառայություն:
Ինչպես դատարանից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, դատարան են ժամանել ՀՀ Վճռաբեկ դատարանի նախագահ Արման Մկրտումյանը, Վճռաբեկ դատարանի Քրեական պալատի նախագահ Դավիթ Ավետիսյանը, ովքեր նշված դատարանի նախագահ Ռուբեն Վարդազարյանի մասնակցությամբ, դատարանի աշխատակազմին են ներկայացնում նորանշանակ դատավոր Արշակ Վարդանյանը, ով, ըստ ֆոտոլրագրող Գագիկ Շամշյանի, Կենտրոն-Նորք Մարաշ վարչական շրջանների Ընդհանուր իրավասության դատարանի նախկին նախագահ Ժորա Վարդանյանի որդին է: Նա վերջերս է ՀՀ նախագահ Սերժ Սարգսյանի հրամանագրով նշանակվել նշված դատարանի դատավոր:
Ֆոտոլրագրող Գագիկ Շամշյանը հայտնեց, որ Արշակ Վարդանյանը նախկինում աշխատել է ՀՀ գլխավոր դատախազությունում, այնուհետև Հայաստանի Հատուկ քննչական ծառայությունում:
Դատարանը վերցված էր ուժեղացված հսկողության տակ, և այն իրականացնում էին Կենտրոն-Նորք Մարաշ վարչական շրջանների Ընդհանուր իրավասության դատարանի դատական կարգադրիչների ստորաբաժանման մեծ թվով աշխատակիցներ, որոնց աշխատանքը ղեկավարում էր կարգադրիչների ստորաբաժանման պետ Արթուր Փիլոսյանը:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
