Ռուսաստանի ուղերձն` Ամերիկային…

Ռուսաստանի ու Արևմուտքի գլոբալ հակամարտությունը, որը, բարեբախտաբար, դեռևս արյունոտ երանգներ չի ձեռք բերել, ուղեկցվում է ոչ միայն գեոքաղաքական հարթությունում երկու ուժային կենտրոնների միջև պարբերաբար նկատվող սրացումներով, այլև քարոզչական դաշտում:

Արևմտյան ակադեմիական շրջանակները, հակառակ բոլորիս հայտնի ու անվիճարկելի ընկալվող նորմերի, ֆաշիզմի դեմ տարած հաղթանակը հիմնականում վերագրում են արևմտյան պետություններին,բայց, հատկապես, ԱՄՆ-ին ու Անգլիային, ինչի հետ, բնականաբար, ոչ մի կերպ չի հաշտվում Ռուսաստանը, որը ֆաշիզմի դեմ մարդկության տարած հաղթանակը համարում է ԽՍՀՄ անուրանալի վաստակն ու պարբերաբար զանազան խողովակներով բողոքի նոտաներ է հղում արևմտյան երկրներ, փորձում տեղ հասցնել այն ճշմարտույունը,որը գիտենք բոլորս: Ռուսաստանը պարբերաբար փորձում է իրեն մատուցել որպես ֆաշիզմի դեմ տարվող պայքարի առաջամարտիկ:

Եվ, ահա, պարզվում է' Հաղթանակի օրը ԱՄՆ-ում Հայաստանի, Ռուսաստանի, Բելառուսի, Ղրղզստանի և Թուրքմենստանի դեսպանները հանդես են եկել համատեղ հայտարարությամբ, որում դատապարտել են նացիզմի հերոսացումը, պատմության վերաշարադրումը, Համաշխարհային երկրորդ պատերազմի աղավաղումն ու արդյունքների վերանայումը: Թե ինչ կարող է այս քայլը նշանակել' ռուս-ամերիկյան հարաբերությունների ներկա մակարդակը հաշվի առնեով ու հաշվի առնելով բոլոր այն մարտահրավերները, որոնք գալիս են Արևմուտքից ու անցնում Մեծ մերձավոր Արևելքով, այնքան էլ դժվար չէ կռահել: Սա, ըստ էության, Լավրովի'օրեր առաջ տված հարցազրույցի որոշակի նյութական արտացոլանք պետք է համարել:

Հիշեցնենք, որ Լավրովն իր խոսքում ընդգծել էր ՌԴ դաշնակից ՀԱՊԿ անդամ երկրների կարևորությունը ԻԼԻՊ-ի դեմ պայքարում: Ըստ էության' գործ ունենք դիվանագիտական չափազանց խոսուն ժեստի հետ, որի հասեցեատերը Վաշինգտոնն է ու որի իմաստն Արևմուտքին ապացուցելն է' ՀԱՊԿ-ը կայացած կառույց է ու կիսում է Ռուսաստանի հայացքները' բոլոր կարևորագույն հարցերին առնչվող:

Դավիթ ԲԱԲԱՆՈՎ