«Ռեալ»-ը կրկնեց Բավարիա»-ի ռեկորդը

Չեմպիոնների լիգայի կիսաեզրափակչի պատասխան խաղում Մադրիդի «Ռեալ»-ը «Ատլետիկո»-ի դեմ հանդիպմանը մեկ գոլ խփեց:

Աչքի ընկավ Իսկոն: Արդյունքում «Արքայական ակումբը»  գոլ խփեց 61-րդ խաղն անընդմեջ (բոլոր մրցաշարերը միասին վերցրած):

Վերջին անգամ թիմը մրցակցի դարպասը չի կարողացել գրավել  անցյալ տարվա ապրիլին` Չեմպիոնների լիգայի կիսաեզրափակչում՝ «Մանչեսթեր Սիթի»-ի դեմ հանդիպմանը (0:0):

Արդյունքում՝ այս ցուցանիշով Զիդանի թիմը կրկնեց  Մյունխենի «Բավարիա»-ի ռեկորդը: Այս մասին գրում է Opta Sports-ը:

Նշենք, որ Չեմպիոնների լիգայում մադրիդյան  թիմը պատմության մեջ առաջին անգամ երկու գոլ բաց թողեց առաջին 16 րոպեների ընթացքում: Այս մասին գրում է  Gracenote Live-ը:

Հիշեցնենք, որ պատասխան խաղում մեկնարկից 12 րոպե անց Սաուլը բացեց հաշիվը, իսկ 4 րոպե անց Անտուան Գրիզմանը անվրեպ իրացրեց նշանակված 11 մետրանոց հարվածը: