Պետք չէ սպասելիքներ ունենալ մեր դաշնակից Ռուսաստանից. ՀՀ ԱԳ փոխնախարար
Արտաքին Քաղաքական
ՀՀ ԱԳ փոխնախար Շավարշ Քոչարյանն այն համոզման է, որ Հայաստանն ու Արցախն անվտանգության հարցերում իրենց հույսն իրենց վրա պետք է դնեն. «Մենք մեր հույսն առաջին հերթին մեզ վրա պետք է դնենք և չպետք է ունենանք ավելորդ սպասելիքներ: Իհարկե, Ռուսաստանը մեր դաշնակիցն է, բայց ավելորդ սպասելիքներն այլ պատկերի կարող են բերել: Դա իրականությունն է, և մեր դիրքորոշումներն այդ հարցում հստակ են»,- այսօր Ազգային ժողովում լրագրողների հետ զրույցում ասաց նա՝ անդրադառնալով ռուսական սպառազինությամբ Ադրբեջանը զինելու՝ մեր դաշնակցի վարած քաղաքականությանը:
Խոսելով մեր դաշնակցի հետ ծավալվող ռազմավարական գործընկերության մասին՝ Շավարշ Քոչարյանը նշեց, որ հենց այս տրամաբանությամբ է Հայաստանն իր արտաքին հարաբերությունները կառուցում Ռուսաստանի և այլ գործընկերների հետ:
Անդրադառնալով ՀՀ պաշտպանության նախարար Վիգեն Սարգսյանի կողմից պատերազմը գրեթե բացառելու հայտարարությանը՝ Շավարշ Քոչարյանը նշեց, որ Հայաստանը միշտ պետք է պատրաստ լինի, որ մեր հարևան հակառակորդը ցանկացած պահի ցանկացած սադրանքի կարող է դիմել:
ՈՒՂԻՂ ԵԹԵՐ
Ամենադիտված 
Ջուր չի լինի հուլիսի 28-ին ժամը 07.00-ից մինչև հուլիսի 29-ը ժամը 07.00-ն
