Եղեգնաձորի դպրոցում շինարարական աշխատանքների ժամանակ հնածո իրեր են հայտնաբերվել
Հասարակություն
Վայոց Ձորի մարզի Եղեգնաձոր քաղաքի թիվ մեկ հիմնական դպրոցի շինարարական աշխատանքներն իրականացնելիս, շինարարները հայտնաբերել են, նախնական գնահատմամբ, վաղ շրջանի հնածո իրեր: Ինչպես «Արմենպրես»-ին տեղեկացրին Հայաստանի տարածքային զարգացման հիմնադրամի լրատվական բաժնից, դպրոցում ժամանակավորապես դադարեցվել են շինարարական աշխատանքները: Հիմնադրամը գրավոր դիմել է Մշակույթի նախարարությանը, որպեսզի, պատկան մարմինը, համաձայն կատարված եզրակացության, համապատասխան որոշումներ կայացնի հետագա աշխատանքների բնականոն ընթացքի վերաբերյալ: Մշակույթի նախարարությունից, սակայն, տեղեկացրին, որ նման դիմում դեռ չեն ստացել:
Եղեգնաձորի համայնքապետարանից «Արմենպրես»-ին տեղեկացրին, որ դպրոցում շինարարական աշխատանքներ իրականացնելիս կոտրված կուժ եւ քարից շարված մթերքի պահոց են հայտնաբերել:
Ասիական զարգացման բանկի և ՀՀ կառավարության կնքած միջպետական համաձայնագրի շրջանակներում իրականացվող Սեյսմիկ անվտանգության բարելավման ծրագրի շրջանակներում Երևանում և մարզերում նախատեսվում է կառուցել կամ վերակառուցել 46 դպրոց: Կառավարությունը հաստատել է իրականացվող 20 ծրագրերի ցանկը, որոնցից 14-ը Երևան քաղաքում, իսկ 6-ը մարզերում: Այդ ծրագիրն իրականացնող կառույցը Հայաստանի տարածքային զարգացման հիմնադրամն է:
ՈՒՂԻՂ ԵԹԵՐ
Ամենադիտված 
Պարոն վարչապետ, չհասկացա` Ձեր այսօրվա խոսքը ու՞մ էր ուղղված. Արամ Սարգսյան
