«Հրապարակ»․ Ընտրություններին ընդառաջ Սիսիանի քաղաքապետի թեկնածուն սպառնացել է գործեր հարուցել «դավաճանների» նկատմամբ

«Հրապարակ» օրաթերթը գրում է․

Սիսիանի ՀՀԿ-ական քաղաքապետ եւ թեկնածու Արթուր Սարգսյանը, մարզից հասնող լուրերի համաձայն, սպառնացել է միավորվող համայնքների ղեկավարներին, որ կպատժվեն, եթե իր մրցակցի հանդիպումներին իրենց համայնքներում մարդ հավաքվի։ Նա խոստացել է ընտրություններից հետո գործեր հարուցել «դավաճանների» նկատմամբ։ Ի դեպ, Սիսիանի փոխոստիկանապետը նրա ազգականն է։

Օրերս խիստ նկատողություն է ստացել Ույծ գյուղի ղեկավարը, քանի որ ԲՀԿ թեկնածու Կարեն Համբարձումյանի հավաքին ներկա է եղել նաեւ համայնքապետարանի մի աշխատակցուհի։ Քաղաքապետի «լրտեսները» մատնել են եւ գյուղապետ Արտակ Ավետյանին պարտադրել, որ նրան ազատի աշխատանքից։ Ավետյանը չպատասխանեց մեր հարցին, ասաց, որ գրավոր ուղարկենք։ Մեր պնդումներին էլ արձագանքեց․ «Գնացեք՝ ով ձեզ էդ ինֆորմացիան տվել է, թող ինքն էլ պատասխանի»։

Ավելի մանրամասն` «Հրապարակ» օրաթերթի այսօրվա համարում: