Ստանիսլավսկու անվան թատրոնում ներկայացումների օրերը տեղափոխվել են. գնված տոմսերն ուժի մեջ են

Կոնստանտին Ստանիսլավսկու անվան պետական ռուսական դրամատիկական թատրոնի գեղարվեստական ղեկավար և գլխավոր  ռեժիսոր Ալեքսանդր Գրիգորյանին ի հիշատակ՝ առաջիկա օրերին նախատեսված ներկայացումները Թատրոնում հետաձգվել են։ Այս մասին տեղեկացրին ՀՀ մշակույթի նախարարության հասարակայնության հետ կապերի բաժնից:

Գյումրու թատրոնի նոյեմբերի 3-ի և 4-ի հյուրախաղային ներկայացումները տեղափոխվում են նոյեմբերի 6 և 8: «Սիրո CASTING» ներկայացումը նոյեմբերի 3-ի փոխարեն  կարող եք դիտել նոյեմբերի 8-ին, իսկ «Եվ երկինքէն երեք աթոռ ինկավ» ներկայացումը նոյեմբերի 4-ի փոխարեն՝ նոյեմբերի 6-ին:

Գնված տոմսերն ուժի մեջ են (տեղ. հեռ.՝  099 889 779)։

Նոյեմբերի 2-ին Ռուսական թատրոնում նախատեսված «Ալիսան» և «Մենք» ներկայացումները  տեղափոխվել են նոյեմբերի 7,  ժամը 19:00 :

Նոյեմբերի 5-ին նախատեսված «Խանումա» և նոյեմբերի 10, 11- ին` «Իդեալական տղամարդը» ( պրեմիերա) ներկայացումները ևս կհետաձգվեն.  կտրամադրվի լրացուցիչ տեղեկություն։ Տոմսերն ուժի մեջ են:

Թատրոնի խաղացանկային բոլոր ներկայացումները կվերականգնվեն նոյեմբերի 24-ից: